თავდაცვის სამინისტრო სპორტული ტანსაცმლის ონლაინ-მაღაზიის შექმნას განიხილავს – ამ პროექტის შესახებ დღეს თავდაცვის მინისტრმა, ჯუანშერ ბურჭულაძემ მთავრობის სხდომის შემდეგ BMG-ის კითხვაზე პასუხისას განაცხადა. მინისტრის თქმით, კომპანია “დელტა ტექსტილი” ქართული ჯარის ოფიციალური სპორტული ტანისამოსის რეალიზაციის დაწყებას გეგმავს. ჯუანშერ ბურჭულაძის განმარტებით, თავდაცვის სამინისტროს ბრენდირებული სამოსის რეალიზაცია შეიარაღებული ძალების პოპულარიზაციის ზრდაზე დადებითად აისახება.
თავდაცვის სამინისტრომ “დელტა ტექსტილი” სამკერვალო კომპანია “ჯეო-ემ-ტექსის” ბაზაზე შექმნა. ოქტომბერში თავდაცვის მინისტრმა განაცხადა, რომ კომპანია კომერციულ დაკვეთებზე მუშაობის დაწყებას განიხილავდა. თავდაცვის მინისტრთან BMG-ის კითხვა შეეხებოდა იმას თუ რამდენად უნდა შედიოდეს სახელმწიფო სამკერვალო კომპანია სხვადასხვა დაკვეთის მომსახურებაში კონკურენციაში კერძო კომპანიებთან.
“რაც შეეხება დელტა ტექსტილს, აქ იმხელა მოთხოვნაა საზოგადოებისგან და თუნდაც ჯარის ახლობლებისგან იმდენად მოსწონთ ხარისხი, რომ ვფიქრობთ გავაკეთოთ ონლაინ მაღაზია. პოპულარიზაციისთვისაც ვფიქრობ არ იქნება ცუდი, როდესაც ჩვენ მოქალაქეებს ეცმევათ სპორტულები, რომელსაც ეწერება ‘თავდაცვის სამინისტრო’ და თავდაცვის ძალები,”- განაცხადა თავდაცვის მინისტრმა ჯუანშერ ბურჭულაძემ.
კომპანია “დელტა ტექსტილი” 2020 წლის აგვისტოში დაფუძნდა. ბიზნეს რეესტრის თანახმად, მისი 100%-იანი წილის მფლობელია სსიპ სახელმწიფო სამხედრო სამეცნიერო-ტექნიკური ცენტრი დელტა.
“დელტა ტექსტილს” 2022 წლის ფინანსური ანგარიში საჯაროდ აქვს გამოქვეყნებული. დოკუმენტის თანახმად, კომპანიის შემოსავალმა გასულ წელს 9.3 მილიონი ლარი შეადგინა, რაც 2021 წელთან შედარებით 0.3 მილიონი ლარით ნაკლები იყო. ამასთან, კომპანიამ წელი მოგების ნაცვლად 8.7 მილიონი ლარის ზარალით დაასრულა, რისი მთავარი მიზეზიც კომპანიის აქტივების 10 მილიონი ლარით გაუფასურება იყო.
ფინანსურ ანგარიშში არაა წარმოდგენილი დამატებითი ინფორმაცია თუ რამ განაპირობა მისი აქტივების გაუფასურება.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…